Ənbiya - 21:97
Haqq sözün gerçəkləşməsi yaxınlaşmış və kafirlərin gözləri qorxudan donub qalmışdır: "Vay bizim halımıza, biz bundan qafil idik. Biz gerçəkdən zalımlar olduq."
Yəcuc və Məcucun önü açıldığı zaman: Məqsəd nədir?
Kəhf/18:96
"Mənə dəmir kütlələri (parçaları) gətirin!" Hər iki barrikadanın arasını doldurunca, "Üfürün!" dedi. Onu bir atəş halına salınca da, "Gətirin, üstünə ərimiş mis töküm," dedi.
Kəhf/18:97
Artıq onu nə keçə bildilər, nə də deşə bildilər.
Kəhf/18:98
"Bu, Rəbbimdən bir rəhmətdir," dedi. "Rəbbimin müəyyən etdiyi vaxt gəlincə onu parça-parça edər. Rəbbimin sözü gerçəkdir."
Kəhf/18:99
O gün onları buraxarıq. Dalğalar halında bir-birlərinə girərlər. Boruya üfürülər; hamısını bir araya toplayarıq.
Kəhf/18:83
Səndən iki nəsil qədər hökmranlığa sahib olan şəxs haqqında soruşarlar. De ki, "Sizə ondan bir öyüd və xatırlatma nəql edəcəyəm."
Kəhf/18:84
Biz ona yer üzündə hökmranlıq gücünü və hər cürə imkanı verdik.
Kəhf/18:85
Gerçəkdən, o bir yol izlədi.
Kəhf/18:86
Uzaq qərbə yetişincə günəşi böyük bir okeanda batan gördü və orada bir topluluqla qarşılaşdı. "Ey iki nəsil sahibi, istəyirsən onları cəzalandır, istəyirsən onlarla yaxşı davran," dedik.
Kəhf/18:87
Dedi ki: "Kim haqsızlıq edərsə, onu cəzalandıracağıq. Rəbbinə döndərilincə də ona görülməmiş bir cəza toxunacaqdır."
Kəhf/18:88
"İman edib müttəqi davranana gəlincə, ona gözəl bir mükafat vardır. Onu rahatlıqla təmin edəcəyik."
Kəhf/18:89
Sonra bir yol tutdu.
Kəhf/18:90
Uzaq şərqə yetişincə, günəşi, özlərini günəşdən qoruyacaq heç bir şeyə sahib olmayan bir topluluq üzərinə doğan gördü.
Kəhf/18:91
Bax belə... Onun hər gördüyünü tamamilə bilirdik.
Kəhf/18:92
Sonra yenə bir yol tutdu.
Kəhf/18:93
İki səddin arasına yetişincə, o biri tərəfdə, az qala söz anlamayan bir topluluq gördü.
Kəhf/18:94
Dedilər ki, "Ey İki Nəsilə Sahib Olan (Zül qərneyn), Yəcuc və Məcuc yer üzündə pislik işləyirlər. Bizimlə onların arasında bir maneə qoymağın üçün sənə bir vergi ödəyə bilərikmi?
Kəhf/18:95
Dedi ki, "Rəbbimin mənə verdikləri daha yaxşıdır. Mənə gücünüzlə yardım edin ki, sizinlə onların arasına bir divar qurum."