Nəml - 27:57 Biz də onu və ailəsini qurtardıq, yalnız arvadından başqa; onu geridə qalanlardan saydıq.
Lut qövmü necə məhv edildi?
Nəml/27:54 Lut da xalqına demişdi ki, "Gördüyünüz halda necə olur ki, belə bir pisliyi işləyirsiniz?"
Nəml/27:55 "Qadınları buraxıb kişilərləmi cinsi əlaqəyə girirsiniz? Siz gerçəkdən çox cahil bir topluluqsunuz."
Nəml/27:56 Xalqının cavabı sadəcə, "Lutun ailəsini Qəsəbənizdən çıxarın. Onlar təmiz qalmaq istəyirlər," demək oldu.
Nəml/27:57 Biz də onu və ailəsini qurtardıq, yalnız arvadından başqa; onu geridə qalanlardan saydıq.
Nəml/27:58 Üstlərinə bir yağmur yağdırdıq. Xəbərdar edilmişlərin yağmuru necə də pis idi.
Hud/11:81 (Mələklər) dedilər, "Ey Lut, biz, Rəbbinin elçiləriyik. Onlar sənə toxuna bilməzlər. Ailəni gecənin bir vaxtında götürüb başqa yerə apar, sizdən heç kimsə geriyə baxmasın; fəqət sənin arvadın istisna. Digərlərinin başına gələnlər onun da başına gələcəkdir. Onların müəyyən edilmiş zamanı səhər vaxtıdır. Səhər yaxın deyilmi?"
Hud/11:82 Əmrimiz gəlincə onun üstünü altına çevirdik, üzərlərinə qat-qat bərkimiş daş yağdırdıq.
Hud/11:83 Zalımları tapsın deyə Rəbbin tərəfindən müəyyən edilmiş (daşlar)...
Əraf/7:80 Və Lutu da göndərdik. Xalqına dedi ki: "Sizdən öncə heç kimsənin qıra bilmədiyi bir günahın rekordunumu qırırsınız?"
Əraf/7:81 "Siz, qadınları buraxıb cinsi hisslərlə kişilərə yönəlirsiniz? Siz həddi aşan bir topluluqsunuz!"
Əraf/7:82 Xalqının cavabı, ancaq bunları söyləmək oldu: "Onları şəhərinizdə çıxarın. Bunlar çox təmiz insanlar imiş!"
Əraf/7:83 Biz də onu və ailəsini qurtardıq, fəqət arvadı xaric; o geridə qalanlardandır.
Əraf/7:84 Üstlərinə bir yağmur yağdırdıq. Bax, günahkarların sonuna!"
Zəriyət/51:32 Dedilər ki, "Biz günahkar bir topluluğa göndərildik."
Zəriyət/51:33 "Üzərlərinə palçıqdan daşlar göndərmək üçün..."
Zəriyət/51:34 "Rəbbinin tərəfindən həddi aşanlar üçün işarələnmiş olaraq."
Ənkəbut/29:33 Elçilərimiz Lutun yanına gəldiklərində elçilərimizə ediləm müamiləyə görə (Lut) narahat olmağa başladı, pis vəziyyətdə qaldı. Ona dedilər ki, "Qorxma, üzülmə. Biz səni və ailəni qurtaracağıq. Arvadın xaric; o geridə qalanlardan olmuşdur."
Ənkəbut/29:34 "Yoldan çıxdıqları üçün, biz bu şəhərin üzərinə göydən bir fəlakət endirəcəyik."
Ənkəbut/29:35 Ağlını işlədən bir camaat üçün açıq-aşkar bir dərs olaraq oradan bəzi qalıqlar (xarabalıqlar) buraxdıq.
Hicr/15:61 Elçilər Lutun ailəsinin yanına gəldiklərində
Hicr/15:62 (Lut:) "Siz, bizim tanımadığımız bir topluluqsunuz," dedi.
Hicr/15:63 Dedilər ki: "Onların şübhə duyduqları şeyi sənə gətirdik."
Hicr/15:64 "Sənə gerçəyi gətirdik, biz həqiqətən doğru danışırıq."
Hicr/15:65 "Gecə vaxtı ailənlə birlikdə çıx. Arxalarından izlə və heç biriniz arxaya baxmasın. Sizə əmr edilən yerə gedin."
Hicr/15:66 'Bu xalq, səhər vaxtı məhv ediləcəkdir' şəklindəki əmri ona bildirdik.
Hicr/15:67 Şəhər əhalisi sevincli halda gəldilər.
Hicr/15:68 (Lut:) "Bunlar qonaqlarımdır, əsla məni utandırmayın."
Hicr/15:69 "Allahdan qorxun, məni rəzil etməyin," dedi.
Hicr/15:70 (Onlar:) "İnsanlarla dialoq qurmaqdan səni çəkindirməmişdikmi?" dedilər.
Hicr/15:71 (Lut) dedi: "Bunlar mənim qızlarımdır. Əgər istəyirsinizsə!"
Hicr/15:72 Çox heyif ki, onlar, sərxoşluqları içində sərgərdan gəzirdilər.
Hicr/15:73 Dan yeri ağararkən onları fəlakətli bir gurultu yaxaladı.
Hicr/15:74 Onun altını üstünə çevirdik. Üzərlərinə palçıqdan olan sərt daşlar yağdırdıq.
Hicr/15:75 Bunda, incələyib araşdıranlar üçün dərslər vardır.
Hicr/15:76 Və o (xaraba şəhər), yol üzərində durmaqdadır.
Şuəra/26:167 Dedilər, "Bax, Lut, bu rəftarına son qoymasan, sürgün edilənlərdən olacaqsan!"
Şuəra/26:168 Dedi ki, "Mən, bu davranışınızı iyrənc görürəm."
Şuəra/26:169 "Rəbbim, məni və ailəmi bu etdiklərindən qurtar."
Şuəra/26:170 Onu və bütün ailəsini qurtardıq.
Şuəra/26:171 Yalnız bir yaşlı qadın istisna; geridə qalanlardan idi.
Şuəra/26:172 Sonra digərlərini yerlə bir etdik.
Şuəra/26:173 Üzərlərinə bir növ yağmur yağdırdıq; xəbərdarlıq edilənlərin yağmuru necə də fəlakətli bir yağmurdur.
Saffat/37:133 Lut da elçilərdən biri idi.
Saffat/37:134 Onu və ailəsini toplu şəkildə qurtardıq.
Saffat/37:135 Ancaq geridə qalan yaşlı qadın xaric.
Saffat/37:136 Sonra digərlərini məhv etdik.
Saffat/37:137 Siz dağıntılarının yanından keçirsiniz; səhər vaxtı,
Saffat/37:138 Və gecə vaxtı. Ağlınızı işlətmirsiniz?
Qamər/54:33 Lut xalqı da xəbərdarlıqları yalanlamışdı.
Qamər/54:34 Üzərlərinə daş yağdıran bir fırtına göndərdik, yalnız Lutun ailəsini səhər vaxtı qurtardıq.
Ayənin Suallarına Keç