Sad - 38:20 Hökmranlığını gücləndirdik; ona hikmət və çox yaxşı bir qərar çıxartmaq gücü verdik.
Davud və Suleyman peyğəmbər ailəsinə Rəbbimiz tərəfindən verilənlər:
Ənbiya/21:78 Davud və Süleyman da... Bir dəfə, xalqın qoyunlarının (girib) yayıldığı birinin əkin sahəsi haqqında hökm verirdilər. Biz onların qərarına şahid olduq.
Ənbiya/21:79 Süleymana, doğru anlama bacarığı bağışladıq. Hər birinə bilgi və hikmət verdik. Davudun əmrinə dağları və quşları verdik. Biz bunları etmişdik.
Ənbiya/21:80 Və sizi savaşlarınızda qorusun deyə ona zireh düzəltməyi öyrətdik. Artıq şükür edirsinizmi?
Ənbiya/21:81 Süleymana da bərəkətli etdiyimiz torpaqlara doğru əsən boranın əmrini verdik. Biz hər şeyi yaxşı bilirik.
Ənbiya/21:82 Və onun üçün dalğıclıq edən və bununla yanaşı başqa işlər də görən şeytanları da... Onlara Biz nəzarət edirdik.
Nəml/27:15 Biz Davuda və Süleymana bilgi vermişdik və "Bizə, iman edən qullarının bir çoxundan daha çox bəxşiş edən Allaha təriflər olsun," demişdilər.
Nəml/27:16 Süleyman Davuda varis oldu. Dedi ki, “Ey insanlar, bizə quşların dilini anlamaq öyrədildi və bizə hər şeydən verildi. Bu, açıq-aşkar bir lütfdür."
Nəml/27:17 Süleyman üçün cinlərdən, insanlardan və quşlardan ordular əmələ gətirilmişdi və nizamla sövq edilirdilər.
Nəml/27:18 Qarışqa vadisinə gəlib çatınca, bir qarışqa, "Ey qarışqalar, yuvalarınıza girin ki, Süleyman və orduları fərqində olmayaraq sizi əzməsinlər."
Nəml/27:19 Onun sözünə gülərək, "Rəbbim, Sənin mənə, ana-atama bağışladığın nemətlərinə şükür etməyə və razı olacağın müttəqi davranışlarda olmağa məni yönəlt. Rəhmətinlə, məni müttəqi qullarının arasına sal."
Nəml/27:20 Quşları təftiş elədi və: "Nə üçün hüdhüdü görmürəm? Yoxsa qaçaqdırmı?" dedi.
Nəml/27:21 Mənə (üzr olaraq) açıq-aşkar bir dəlil gətirməzsə, onu şiddətli bir cəza ilə cəzalandıracağam, yaxud onu kəsəcəyəm.
Nəml/27:22 Çox keçmədən (hüdhüd) gəldi və: "Sənin bilmədiyin bir şeyi öyrəndim, sənə Səbadan önəmli bir xəbər gətirdim." dedi.
Səba/34:12 Süleymana da, səhər gedişi bir ay(lıq yol gedən), axşam dönüşü də bir ay(lıq yol gedən) küləyi verdik və onun üçün petrol qaynağını fışqırdaraq axıtdıq. Rəbbinin izni ilə, cinlərdən də bir qismi əmrində çalışırdı. Onlardan kim əmrimizdən çıxarsa, ona çətin bir cəzanı daddırardıq.
Səba/34:13 O nə istəyərdisə, onun üçün düzəldərdilər: Mehrablar, heykəllər, dərin hovuzlar və ağır qazanlar... Ey Davud ailəsi, şükür bəlirtisi (əlaməti) olaraq çalışın. Qullarımdan çox azı şükür edəndir.
Səba/34:14 Ölümünə hökm verdiyimiz zaman, onlara onun ölmüş olduğunu, ancaq dəyənəyini yeyən bir yer məxluqu göstərdi. Yıxıldığı zaman cinlər gerçəyi fərq etdi: görülməyəni (qeybi) bilsəydilər, o alçaldıcı çətin işə davam etməzdilər.
Sad/38:18 Dağları onun əmrinə vermişdik; onunla birlikdə axşam və sübh çağı (Tanrını) ucaldırdılar.
Sad/38:19 Quşlar da toplanmışdı; hamısı onun əmrinə tabe idi.
Sad/38:20 Hökmranlığını gücləndirdik; ona hikmət və çox yaxşı bir qərar çıxartmaq gücü verdik.
Sad/38:30 Davuda, Süleymanı verdik. Yaxşı bir quldu, (Tanrıya) sürəkli yönələn biri idi.
Sad/38:31 Bir axşam, ona gözəl qaçış atları təqdim edilmişdi.
Sad/38:32 Dedi ki, "Mal və mülk sevgisi məni Rəbbimi xatırlamaqdan saxladı. Ta ki, o (günəş) bir örtüyün arxasında yox oldu."
Sad/38:33 "Onları mənim üçün geri gətirin," dedi, (vəda etmək üçün) ayaqlarını və boyunlarını oxşadı (sığalladı).
Sad/38:34 Süleymanı beləcə sınadıq; onun hökmranlığına maddi zənginlik qatdıq; ancaq o tamamilə (Tanrıya) yönəldi.
Sad/38:35 Dedi ki, "Rəbbim məni bağışla. Mənə, məndən sonra kimsənin yetişə bilməyəcəyi bir hakimiyyət ver. Sən Bəxşedənsən."
Sad/38:36 Bundan sonra əmri ilə hərəkət edən küləyi onun əmrinə verdik. İstədiyi yerə yağmur yağdırırdı.
Sad/38:37 Şeytanları da, bənnalar və dalğıclar olaraq...
Sad/38:38 Və zəncirlərlə bir-birinə bağlı gözləyən ehtiyatda olanları da...
Sad/38:39 "Bu Bizim bəxşişimizdir! İstəyirsən ver, istəyirsən tut saxla, tükənməz."
Ayənin Suallarına Keç