Nuh - 71:5
Dedi ki, "Rəbbim, mən xalqımı gecə-gündüz çağırdım."
Rəbbimizin yoluna çağırarkən:
Hicr/15:85
Biz, göyləri, yeri və aralarındakı şeyləri bəlli bir məqsəd üçün yaratdıq. O Saat (dünyanın sonu) əlbəttə gələcəkdir, elə isə onlara gözəl və yumşaq davran.
Nəhl/16:125
Rəbbinin yoluna hikmətlə və gözəl aydınlatma ilə dəvət et. Onlarla ən gözəl tərzdə mübahisə et. Rəbbin, yolundan azanları və doğru yolda olanları ən yaxşı biləndir.
Nisa/4:148
Allah pis dil (söz) işlədilməsini sevməz. Zülmə uğrayanlar istisnadır. Allah Eşidəndir, Biləndir.
Ənkəbut/29:46
Kitab əhli ilə, zalım olanları xaric ən gözəl bir tərzdə mübahisə edin və: "Bizə nazil edilənə iman etdik və sizə nazil edilənə də iman etdik. Bizim Tanrımız, sizin də Tanrınız birdir. Biz sadəcə Ona təslim olduq," deyin.
Ali İmran/3:159
Allahın sənə bir lütfü olaraq onlarla mülayim rəftar etdin. Kobud və daş ürəkli olsaydın, çevrəndən dağılıb gedərdilər. Onları əfv et, bağışlanmalarını dilə və görüləcək işlər haqqında onlara danış. Qərar verincə də Allaha güvən; Allah güvənənləri sevər.
Ta ha/20:44
"Onunla yumşaq danışın. Ola bilər ki, öyüd alar, və ya ehtiram göstərər."
Ta ha/20:43
"İkiniz Fironun yanına gedin; Çünki o, azdı."
Nisa/4:63
Allah onların qəlblərindəkini bilir. Onlara əhəmiyyət vermə, onları aydınlat və özləri barədə onlara təsir göstərə biləcək gözəl sözlər söylə.