بِسْمِ اللّٰهِ الرَّحْمٰنِ الرَّح۪يمِ
3
23:81 Ancaq onlar, öncəkilərin dediklərini təkrarladılar.
2
23:82 Və belə dedilər: "Biz öldüyümüz, torpaq və sümük olduğumuz zamanmı diriləcəyik?"
2
23:83 "Bizə və atalarımıza daha öncə eyni şey söz verilmişdi. Bu keçmişlərin əfsanəsindən başqa bir şey deyildir."
2
23:84 De ki, "Yer, göylər və içlərində olanlar kimindir, bilirsinizmi?"
2
23:85 "Allahdır!" deyəcəklər. De ki, "Öyüd almırsınız?"
3
23:86 De ki: "Rəbbi kimdir yeddi göyün, Böyük hakimiyyətin Rəbbi?"
3
23:87 "Allahdır!" deyəcəklər. De ki, "Müttəqi olmayacaqsınız?"
3
23:88 De ki: "Qoruyub mühafizə edən, fəqət Özü qorunub mühafizə edilməyən; hər şeyin hökmranlığını əlində saxlayan kimdir, bilirsinizmi?"
2
23:89 "Allah!" deyəcəklər. De ki, "O halda necə olur ki, aldanırsınız?"
3
23:90 Onlara gerçəyi gətirməmizə rəğmən onlar yalanlamaqdadırlar.
4
23:91 Allah övlad götürməmişdir. Onunla bərabər bir tanrı da yoxdur. Əks təqdirdə hər tanrı yaratdığı şeylərlə birlikdə heç kimdən asılı olmadığını elan edərək hakimiyyət üçün bir-biri ilə mübahisəyə girərdi. Allah, onların isnad etdikləri şeylərdən çox uzaqdır.
5
23:92 Bütün gizli olanları və aşkarda olanları Biləndir; onların ortaq qoşduqları şeylərdən Ucadır.
2
23:93 De ki, "Rəbbim, onlara verilən sözü mənə göstərsən,"
5
23:94 "Rəbbim, məni o zalım camaatın içində buraxma."
2
23:95 Biz əlbəttə, onlara söz veriləni sənə göstərə bilərik.
4
23:96 Pisliyə yaxşılıqla qarşılıq ver. Biz onların iddialarını yaxşı bilirik.
2
23:97 Və de ki, "Rəbbim, Şeytanların pıçıltılarından (vəsvəsələrindən) Sənə sığınıram."
2
23:98 "Yanımda olmalarından Sənə sığınıram, Rəbbim."
2
23:99 Onlardan birinə ölüm gəlib çatdığı zaman belə deyər, "Rəbbim, məni geri döndərin."
5
23:100 "(Ona görə) ki, tərk etdiyim şeylərdə müttəqi işlər görüm." Xeyr! Bu onun söylədiyi boş bir sözdür. Dirilmə gününə qədər onların ardında bir əngəl (maneə) vardır.