Ta ha - 20:40
"O vaxt bacın gedib, 'Ona baxacaq birini sizə göstərimmi?' deyirdi. Beləcə, gözü aydınlansın və üzülməsin deyə, səni anana geri döndərmişdik. Hətta sən bir nəfəri öldürmüşdün, səni üzüntüdən qurtarmış və müxtəlif sınaqlardan keçirmişdik. Mədyən xalqının arasında illərlə qaldıqdan sonra bəlli bir plana görə indi geri gəlmisən, Musa."
Səni müxtəlif sınaqlardan keçirmişdik:
Kəhf/18:60
Musa, gənc yoldaşına, "İllərlə getmək lazım olsa da, iki dənizin birləşdiyi yerə yetişmədən dincəlməyəcəyəm," demişdi.
Kəhf/18:61
İki dənizin birləşdiyi yerə yetişdiklərində, balıqlarını unutdular. Gizlicə sürüşüb dənizin yolunu tutdu.
Kəhf/18:62
Oranı keçdiklərində, gənc yoldaşına, "Yeməyimizi gətir. Bu yolçuluğumuz (səfərimiz) bizi gerçəkdən yordu," dedi.
Kəhf/18:63
Dedi ki: "Bax gördünmü, o qayalığa yetişdiyimizdə balığı unutdum. Onu mənə şeytan unutdurdu və beləcə dənizdə yolunu tutub getdi. Nə qədər də maraqlıdır!"
Kəhf/18:64
(Musa:) "Məhz axtardığımız yer ora idi," dedi və beləcə izləri üzərində geri döndülər.
Kəhf/18:65
(Öz) qatımızdan rəhmət verdiyimiz və bilgimizdən öyrətdiyimiz qullarımızdan bir qulu tapdılar.
Kəhf/18:66
Musa ona, "Sənə öyrədiləndən, aydınladıcı prinsipləri mənə öyrətməyin üçün sənə tabe ola bilərəmmi?" deyincə,
Kəhf/18:67
"Sən mənimlə birlikdə olmağa dözə bilməzsən," dedi,
Kəhf/18:68
"Bilmədiyin bir şeyə necə dözə bilərsən?"
Kəhf/18:69
Dedi: "Allah istəyərsə məni səbrli görəcəksən; Sənə heç bir işdə qarşı gəlməyəcəyəm."
Kəhf/18:70
Dedi: "Mənə tabe olacaqsansa, mən sənə anlatmadıqca məndən heç bir şey haqqında sual soruşma."
Kəhf/18:71
Beləcə getdilər. Nəhayət gəmiyə mindiklərində, onda dəlik açdı. "İnsanları boğmaq üçünmü gəmidə dəlik açdın? Gerçəkdən müdhiş bir iş gördün," dedi.
Kəhf/18:72
"Mənə dözə bilməyəcəyini sənə söyləməmişdimmi," deyə qarşılıq verdi.
Kəhf/18:73
"Unutduğum şeydən ötrü məni qınama; bu işimdə mənə çətinlik yaratma!" dedi.
Kəhf/18:74
Beləcə getdilər. Nəhayət, bir cavan oğlan ilə rastlaşdıqda onu dərhal öldürdü. "Kimsəyə qıymamış günahsız bir kimsəni nə üçün öldürdün? Sən, çox pis bir iş gördün," dedi.
Kəhf/18:75
"Mənə dözə bilməyəcəyini sənə söyləməmişdimmi," deyə təkrarladı.
Kəhf/18:76
"Səndən əlavə başqa bir şey soruşaramsa, o zaman artıq mənimlə yoldaş olma. Məndən yetərli üzr dinlədin," dedi.
Kəhf/18:77
Beləcə getdilər. Nəhayət, bir kənd camaatı ilə rastlaşdılar və camaatdan yeməyə bir şey istədilər. Fəqət onları müsafir qəbul etməyi rədd etdilər. Elə bu vaxt orada yıxılmaq üzrə olan bir divar gördülər, dərhal onu düzəltdilər. "İstəsəydin, o işə görə ücrət ala bilərdin," dedi.
Kəhf/18:78
Dedi ki: "Bax bu, mənim səninlə olan bərabərliyimin sonudur. Dözə bilmədiyin şeylərin açıqlamasını isə sənə bildirəcəyəm."
Kəhf/18:79
"Gəmi, dənizdə çalışan kasıblara (balıqçılara) aid idi. Gəmini qüsurlu etmək istədim; çünki arxalarında, bütün gəmiləri zorla ələ keçirən bir kral var idi.
Kəhf/18:80
"Uşağa gəlincə, ana-atası iki iman edən şəxs idi. Həddi aşması və nankorluq ilə o ikisinə yük olmasından narahat idik."
Kəhf/18:81
"İstədik ki, Rəbləri onun yerinə onlara ondan daha təmiz və mərhəmətli birini versin."
Kəhf/18:82
"Divar isə, şəhərdəki iki yetimə aid idi. Divarın altında onlara aid bir xəzinə vardı. Ataları da müttəqi birisi idi. Rəbbin istədi ki, onlar böyüyüb tam güclərinə qovuşduqdan sonra Rəbbindən bir rəhmət olaraq xəzinələrini ortaya çıxarsınlar. Bunları öz iradəmlə etmədim. Bax bunlar, dözə bilmədiyin şeylərin açıqlamasıdır."