Hucurat - 49:7 Biləsiniz ki, Allahın Elçisi aranızdadır. İşlərin çoxunda sizlərə tabe olsaydı, sıxıntıya düşərdiniz. Fəqət, Allah inancı sizə sevdirdi və onu könüllərinizdə süslədi; inkarı, pisliyi və üsyanı isə sizə çirkin göstərdi. Məhz doğrunun ardınca gedənlər bunlardır.
Allah mesajını anlaşılması üçün, o camaatın içindən biri və o camaatın diliylə göndərir:
Muminun/23:32 Onlara, (öz) aralarından bir elçi göndərdik: "Allaha qulluq edin, sizin Ondan başqa bir tanrınız yoxdur. Hörmət qoyub, müttəqi davranmayacaqsınız?"
Səcdə/32:24 Səbr etdikləri və ayələrimizə qəti olaraq iman etdikləri zaman, əmrimiz əsasında içlərindən yol göstərən öndərlər təyin etmişdik.
Zumər/39:27 Biz bu Quranda, insanlar üçün hər cür örnəyi verdik ki, öyüd alsınlar.
Zumər/39:28 Ərəbcə, nöqsansız (düzgün) bir Quran, bəlkə müttəqi olarlar.
Fussilət/41:3 Bilən bir topluluq üçün, Ərəbcə bir Quran olaraq ayələri açıqlanmış bir kitabdır.
Zuxruf/43:3 Düşünəsiniz deyə, onu qüsursuz bir dilə sahib bir Quran etdik.
Əhqaf/46:12 Bundan öncə Musanın kitabı rəhbər və rəhmət idi. Bu, zalımları xəbərdar etmək və gözəl davrananlara bir müjdə olmaq üzrə Ərəbcə nazil edilmiş təsdiqləyici bir kitabdır.
Qaf/50:2 İçlərindən xəbərdarlıq edən birinin onlara gəlməsini qəribə qarşıladılar! Kafirlər, "Bu, qəribə bir şeydir," dedilər,
İbrahim/14:4 Biz hər elçini ancaq xalqının dilində göndəririk ki, onlara bildirə bilsin. Allah istəyəni/istədiyini azdırır, istəyəni/istədiyini də doğruya yetişdirir. O, Güclüdür, Hikmət sahibidir.
Məryəm/19:97 Bunu sənin dilinlə asanlaşdırdıq; onunla müttəqiləri müjdələyəsən və inadkar camaata xəbərdarlıq edəsən deyə.
Yusuf/12:2 Onu ərəbcə bir Quran olaraq nazil etdik ki, anlayasınız.
Rad/13:37 Beləcə onu ərəbcə bir qanun olaraq nazil etdik. Sənə gələn bu bilgidən sonra onların arzusuna (istəyinə) uysan, Allaha qarşı nə bir dostun, nə də bir qoruyucun ola bilməz.
Fussilət/41:44 Onu yad dildə bir Quran etsəydik, "Onun ayələri açıqlanmalı deyildimi?" deyəcəkdilər. İstər yad dil, istər Ərəbcə olsun, de ki, "O, iman edənlər üçün (dilləri nə olur olsun) bir rəhbər və şəfadır. İman etməyənlərin isə qulaqlarında ağırlıq vardır. Onlara sanki uzaq bir yerdən səslənilirmiş kimi onlara qarşı qapalıdır."
Duxan/44:58 Bunu sənin dilinlə asanlaşdırdıq ki, öyüd alsınlar.
Yunus/10:2 Özlərindən bir adama: "İnsanları xəbərdar et və iman edənlərə Rəbləri qatında önəmli bir yerə sahib olduqlarını müjdələ," deyə vəhy etməmiz insanlara qəribəmi gəlir? İnkar edənlər, "Bu, açıq-aşkar bir sehrbazdır," dedilər.
Yunus/10:16 De ki: "Allah istəsəydi, onu sizə oxuya bilməzdim və sizin də ondan xəbəriniz olmazdı. Bundan öncə bir ömür boyu aranızda yaşadım. Anlamırsınız?"
Yusuf/12:109 Səndən öncə, şəhərlərin əhalisinin arasından (seçib) vəhy etdiyimiz adamlardan başqasını göndərmədik. Yer üzünü gəzib dolaşıb özlərindən öncəkilərin aqibətini görmürlərmi? Müttəqilər üçün axirət yurdu daha yaxşıdır; anlamırsınız?
Sad/38:4 Onlara, özlərindən bir xəbərdarlıq edənin gəlməsinə yadırğadılar. İnkar edənlər, "Bu çox yalançı bir sehrbazdır," dedilər,
Qaf/50:2 İçlərindən xəbərdarlıq edən birinin onlara gəlməsini qəribə qarşıladılar! Kafirlər, "Bu, qəribə bir şeydir," dedilər,
Cumuə/62:2 O ki, ümmilərin arasından, özlərindən olan bir elçi göndərmişdir ki, onlara Onun ayələrini oxuyur, onları təmizləyir və onlara kitabı və hikməti öyrədir. Bundan öncə onlar açıq aşkar bir azğınlıq içində idilər.
Bəqərə/2:151 Həmçinin, sizə ayələrimi oxuyacaq, sizləri təmizləyəcək, sizə kitab və hikməti öyrədəcək, bilmədiklərinizi bildirəcək bir elçini aranızdan seçib göndərdik.
Muminun/23:32 Onlara, (öz) aralarından bir elçi göndərdik: "Allaha qulluq edin, sizin Ondan başqa bir tanrınız yoxdur. Hörmət qoyub, müttəqi davranmayacaqsınız?"
Maidə/5:20 Musa öz xalqına belə demişdi: “Ey xalqım! Allahın üzərinizdəki nemətini xatırlayın: Aranızdan peyğəmbərlər çıxardı, sizi azad kimsələr etdi və xalqların heç birinə vermədiyini sizə verdi."
Əraf/7:69 "Sizi xəbərdar etmək məqsədilə Rəbbinizdən bir mesajın aranızdan bir adama gəlməsinəmi təəccübləndiniz? Nuhun xalqından sonra sizi varislər etdiyini və xilqətcə sizi onlardan güclü etdiyini xatırlayın. Uğur qazanmanız üçün Allahın nemətlərini düşünün."
Saffat/37:72 Onların içindən xəbərdar edənlər göndərmişdik.
Əraf/7:35 Adəm oğulları, sizə içinizdən elçilər gəlib sizə ayələrimi bildirdikləri zaman dinləyib özlərini düzəldənlərə nə bir qorxu vardır, nə də onlar üzülərlər.
Əraf/7:63 "Sizi xəbərdar etmək üçün və müttəqi bir həyat yaşayıb mərhəmətə nail olasınız deyə, sizdən bir adama Rəbbinizdən bir mesajın gəlməsinəmi təəccübləndiniz?"
Bəqərə/2:129 "Rəbbimiz, onların arasından, ayələrini onlara oxuyacaq, onlara kitabı və hikməti öyrədəcək və onları təmizləyəcək bir elçi göndər. Sən Ucasan, Hikmət Sahibisən."
Hucurat/49:7 Biləsiniz ki, Allahın Elçisi aranızdadır. İşlərin çoxunda sizlərə tabe olsaydı, sıxıntıya düşərdiniz. Fəqət, Allah inancı sizə sevdirdi və onu könüllərinizdə süslədi; inkarı, pisliyi və üsyanı isə sizə çirkin göstərdi. Məhz doğrunun ardınca gedənlər bunlardır.
Ayənin Suallarına Keç