Qaf - 50:13 Ad (qövmü), Fironun (xalqı), Lutun qardaşları...
Firon və adamlarının məhvi:
Bəqərə/2:49 İşgəncənin ən pisini sizə tətbiq edən, qadınlarınızı buraxıb oğullarınızı öldürən Fironun adamlarından sizi qurtarmışdıq. Bu, Rəbbinizdən böyük bir sınaq idi.
Bəqərə/2:50 Dənizi yararaq, sizi qurtarmışdıq və Fironun adamlarını da gözlərinizin önündə boğmuşduq.
Ta ha/20:70 Sehrbazlar, "Harunun və Musanın Rəbbinə iman etdik!" deyərək səcdəyə qapandılar.
Ta ha/20:71 (Firon:) "Sizə izin vermədən öncəmi ona iman etdiniz? O, sizə sehr öyrədən ustanız olmalıdır. Əllərinizi və ayaqlarınızı çarpaz kəsib sizi xurma ağaclarına asacağam. Hansımızın cəzası daha çətin və sürəkli imiş öyrənəcəksiniz," dedi.
Ta ha/20:72 Dedilər ki: "Bizə gələn açıq-aşkar dlilləri və bizi Yaradanı buraxıb səni seçmərik. Necə hökm verəcəksənsə, ver. Hökmün bu dünya həyatı ilə məhdudlaşır!"
Ta ha/20:73 "Biz Rəbbimizə iman etdik ki, xətalarımızı və bizə zorla etdirdiyin sehrbazlığımızı bağışlasın. Allah daha yaxşıdır və daha Sürəklidir."
Ta ha/20:74 Kim Rəbbinin hüzuruna suçlu olaraq gələrsə, cəhənnəmə layiq olar; orada nə ölər, nə də yaşayar.
Ta ha/20:75 İman etmiş və müttəqi bir həyat sürmüş olaraq Ona gələnlər isə, yüksək dərəcələrə layiqdirlər.
Ta ha/20:76 Ədn bağçaları ki, altından çaylar axar. Orada əbədi qalacaqlar. Təmizlənənlərin mükafatı bax belədir.
Ta ha/20:77 Musaya: "Qullarımı gecə vaxtı başqa bir yerə apar və onlar üçün dənizdə quru bir yol aç. Yaxalanmaqdan qorxma, narahat olma," deyə vəhy etdik.
Ta ha/20:78 Firon, ordusu ilə birlikdə arxalarına düşdü. Halbuki, dəniz üstlərinə qapanıb onları içinə aldı.
Şuəra/26:53 Firon, şəhərlərə kütlə propagandaçıları göndərdi:
Şuəra/26:54 "Bunlar kiçik bir çətədir."
Şuəra/26:55 "Bizə qarşı öfkə ilə baş qaldırmaqdadırlar."
Şuəra/26:56 "Biz isə çoxluq olaraq ayıq-sayıq olmalıyıq."
Şuəra/26:57 Nəhayət, onları çıxartdıq: Bağçalardan, çeşmələrdən,
Şuəra/26:58 Xəzinələrdən, yüksək məqamlardan...
Şuəra/26:59 Daha sonra, onları İsrail oğullarına miras etdik.
Şuəra/26:60 Onları şərqə tərəf təqib etdilər.
Şuəra/26:61 Hər iki topluluq bir-birini görüncə, Musanın yoldaşları: "Baxın, yaxalanırıq!" dedilər.
Şuəra/26:62 "Əsla. Rəbbim mənimlə birlikdədir; Mənə bir çıxış yolu göstərəcəkdir!" dedi.
Şuəra/26:63 Musaya, "Dəyənəyini dənizə vur!" deyə vəhy etdik. Bundan sonra yarıldı və hər hissəsi böyük bir təpə kimi oldu.
Şuəra/26:64 Sonra, digərlərini yaxınlaşdırdıq.
Şuəra/26:65 Musanı və onunla bərabər olan hər kəsi qurtardıq.
Şuəra/26:66 Sonra digərlərini boğduq.
Şuəra/26:67 Əlbəttə bunda bir dərs vardır; amma çoxları iman etməzlər.
Qasas/28:38 Firon: "Ey əyanlar, mən sizin üçün məndən daha yaxşı bir tanrı tanımıram. Haman, Mənim üçün palçığın üzərində atəş qalayaraq kərpic hazırla və Musanın Tanrısına yetişə bilməyim üçün bir qüllə düzəlt. Mən onun yalançı olduğuna inanıram," dedi.
Qasas/28:39 O və ordusu yer üzündə haqsız yerə təkəbbür göstərdi və Bizim hüzurumuza dönməyəcəklərini sandılar.
Qasas/28:40 Onu və əsgərlərini yaxalayıb dənizə atdıq. Zalımların aqibətinə diqqətlə bax.
Qasas/28:41 Onları, atəşə çağıran öndərlər etdik; dirilmə günündə də yardım görməzlər.
Əraf/7:130 Firon tərəfini, öyüd alsınlar deyə illərlə quraqlıq və məhsul qıtlığına məhkum etdik.
Əraf/7:130 Firon tərəfini, öyüd alsınlar deyə illərlə quraqlıq və məhsul qıtlığına məhkum etdik.
Əraf/7:131 Onlara bir yaxşılıq gəldiyi zaman, "Buna biz layiqik," deyərlər. Onlara bir pislik toxunduğu zaman isə Musa və bərabərindəkiləri uğursuzluqla suçlayardılar. Doğrusu, onların uğursuzluğu Allah tərəfindən qərarlaşdırılır. Ancaq çoxları bilməzlər.
Əraf/7:133 Üzərlərinə tufan, çəyirtkə, həşərat, qurbağa və qan kimi ayrı-ayrı işarətlər göndərdik. Buna rəğmən təkəbbür göstərməyə davam etdilər və günahkar bir topluluq oldular.
Əraf/7:134 Hər nə zaman başlarına bir müsibət gəlsə, "Ey Musa, sənə verdiyi sözə görə Rəbbinə yalvar. Bizi bu fəlakətlərdən qurtararsan sənə iman edər və İsrail oğullarını da səninlə bərabər yollayarıq," dedilər.
Əraf/7:135 Onları söz etdikləri fəlakətlərdən müəyyən bir müddət üçün qurtarınca da sözlərindən dönürdülər.
Əraf/7:136 Biz də onlardan öc (intiqam) aldıq. Ayələrimizi yalanlayıb əhəmiyyət vermədikləri üçün onları dənizdə boğduq.
Əraf/7:137 Ölkənin məhsuldar etdiyimiz şərq və qərb hissələrinə xor görülən və zəif salınan insanları mirasçı etdik. Sıxıntılara müqavimət göstərdikləri üçün, Rəbbinin İsrail oğullarına verdiyi gözəl söz gerçəkləşdi. Firon və xalqının qurduqları quruluş və qurumları da yerlə bir etdik.
Yunus/10:88 Musa dedi ki: "Rəbbimiz, Sən Firona və onun şurasına dünya həyatında dəbdəbəli şərait və mal verdin. Rəbbimiz, Sənin yolundan azdırsınlar deyəmi? Rəbbimiz, onların mallarını silib-süpür və ağrılı-acılı əzabı görüncəyə qədər iman etməsinlər deyə qəlblərini qatılaşdır."
Yunus/10:89 Dedi ki: "İkinizin duası qəbul edilmişdir. Doğru olun və bilməyənlərin yolunu izləməyin."
Yunus/10:90 İsrail oğullarını dənizdən keçirtdik. Firon və onun ordusu isə küstahca və düşməncə arxalarına düşdü. Boğulmaq üzrə ikən, "İsrail oğullarının iman etdiyindən başqa tanrı olmadığına iman etdim, mən müsəlmanam," dedi.
Yunus/10:91 "Çox gec! Daha öncə baş qaldırmış və fəsad törədənlərdən olmuşdun."
Yunus/10:92 "Səndən sonrakı nəsillərə ibrət olmağın üçün bu gün sənin cəsədini qoruyacağıq. Lakin insanların əksəriyyəti işarətlərimizdən xəbərsizdirlər."
Duxan/44:17 Onlardan öncə Fironun xalqını sınamışdıq; Onlara şərəfli bir elçi getmişdi:
Duxan/44:18 "Ey Allahın qulları, mənə qulaq asın. Mən sizə göndərilmiş etibarlı bir elçiyəm."
Duxan/44:19 "Allaha qarşı təkəbbür göstərməyin. Mən sizə açıq-aşkar bir dəlillə gəlmişəm."
Duxan/44:20 "Sizin məni daşa basmanızdan, mənim Rəbbimə və sizin Rəbbinizə sığınıram."
Duxan/44:21 "Mənə inanmırsınızsa, heç olmasa məni yalnız buraxın."
Duxan/44:22 Və, "Bunlar günahkar bir topluluqdur," deyə Rəbbinə yalvardı.
Duxan/44:23 "Qullarımla gecə vaxtı yola çıx. Siz izlənirsiniz."
Duxan/44:24 "Dənizi yarılmış olaraq tərk et. Onlar boğulmağa məhkum bir ordudur."
Duxan/44:25 Onlar geridə nələr buraxmışdılar: Bağçalar, bulaqlar,
Duxan/44:26 Əkinlər və yüksək məqamlar,
Duxan/44:27 Və içində səfa sürdükləri neçə-neçə nemətlər...
Duxan/44:28 Beləcə hamısını başqa bir topluluğa miras buraxdıq.
Duxan/44:29 Nə göy və nə də yer onlara ağladı; Onlara möhlət də verilmədi.
Duxan/44:30 İsrail oğullarını alçaldıcı zülmdən qurtarmışdıq;
Duxan/44:31 Firondan. O, azğın bir diktator idi.
Zəriyət/51:38 Musada da (bir dərs vardır). Onu Firona açıq-aşkar bir dəlil ilə göndərmişdik.
Zəriyət/51:39 Əyanları ilə birlikdə üz çevirdi və "Ya bir sehrbazdır, ya da bir dəlidir," dedi.
Zəriyət/51:40 Onu və əsgərlərini yaxalayıb dənizə atdıq. Bundan o məsul idi.
Ənfal/8:54 Örnək olaraq, Fironun tərəfdarları və onlardan öncəkilər kimi. Rəblərinin ayələrini yalanladılar. Biz də günahlarına görə onları məhv etdik. Fironun tərəfdarlarını suda boğduq. Hamısı da zalım idilər.
Ayənin Suallarına Keç