Zumər - 39:72 "Təməlli qalacağınız Cəhənnəmin qapılarından girin. Təkəbbür göstərənlərin sonu necə də pismiş!" deyilər.
Cəhənnəmə giriş:
Haqqə/69:33 Çünki o, Uca Allaha iman etmirdi.
Haqqə/69:34 Yoxsulları yedirtməyə də çalışmırdı.
Haqqə/69:35 Buna görə onun buralarda bir dostu yoxdur.
Saffat/37:19 O, bir tək toxunmadır. O zaman (qalxıb) sağa-sola baxarlar.
Saffat/37:20 "Vay halımıza! Bu Haqq-hesab günüdür," deyərlər.
Saffat/37:21 Bu, sizin yalanlamış olduğunuz qərar günüdür.
Saffat/37:22 Zalımları toplayın. Həmtaylarını və,
Saffat/37:23 Allahdan başqa qulluq/xidmət etdiklərini... Onlara cəhənnəmin yolunu göstərin.
Saffat/37:24 Və dayandırın onları; sorğu-suala çəkiləcəklər.
Məryəm/19:85 Müttəqiləri, Rəhmanın hüzurunda qonaq qrupları halında (hörmətli qonaqlar kimi) toplayacağımız...
Məryəm/19:86 Və günahkarları, susuz olaraq cəhənnəmə sürüklədiyimiz gün,
Hicr/15:43 "Cəhənnəm hamısının görüşmə yeridir."
Hicr/15:44 "Onun yeddi qapısı vardır və hər bir qapı üçün onlardan müəyyən bir pay vardır."
Zumər/39:71 İnkar edənlər dəstə-dəstə cəhənnəmə götürülərlər. Oraya yetişdiklərində onun qapıları açılar və gözətçiləri onlara, "Sizə, Rəbbinizin ayələrini oxuyan və bu gününüzlə qarşılaşacağınız mövzusunda sizi xəbərdar edən öz içinizdən elçilər gəlməmişdimi?" deyərlər. "Bəli. Ancaq 'cəza' sözü inkar edənlər haqqında gerçəkləşmişdir," deyə qarşılıq verərlər.
Zumər/39:72 "Təməlli qalacağınız Cəhənnəmin qapılarından girin. Təkəbbür göstərənlərin sonu necə də pismiş!" deyilər.
Nəhl/16:29 İçində daimi qalacağınız Cəhənnəmin qapısından girin! Təkəbbürlənənlərin yeri necə də pisdir.
Ğafir/40:75 Çünki siz yer üzündə gerçəyə əsaslanmadan sevinirdiniz və qudurub həddi aşırdınız.
Ğafir/40:76 Daimi qalmaq üzrə Cəhənnəmin qapılarından girin! Təkəbbürlənənlərin yeri necə də pisdir.
Muzzəmmil/73:12 Yanımızda zəncirlər və cəhənnəm vardır.
Muzzəmmil/73:13 Udulması çətin bir yeyəcək ve ağrılı-acılı bir əzab...
Ğafir/40:71 Boyunlarında halqalar və zəncirlərlə sürüklənəcəklər.
Ğafir/40:72 Qaynar suda, sonra da atəşdə yandırılacaqlar.
Ənfal/8:37 Beləcə Allah pisi yaxşıdan ayırd edər. Pisləri üst-üstə qoyub toplayar və cəhənnəmə yollayar. Bax ziyana uğrayanlar onlardır.
Furqan/25:12 Cəhənnəm onları uzaqdan görüncə, onun öfkəsini və uğultusunu eşidərlər.
Furqan/25:13 Zəncirlənmiş olaraq onun dar bir yerindən atıldıqları zaman ölümü çağırarlar.
Furqan/25:14 Bu gün bir ölüm deyil, çoxlu ölüm çağırın.
Furqan/25:34 Cəhənnəmə zorla sürüklənənlər ən pis yerə və ən əyri yola sahib olanlardır.
Ğafir/40:60 Rəbbiniz deyir ki, "Mənə yalvarın, sizə cavab verim." Təkəbbür göstərərək Mənə qulluq etməkdən çəkinənlər, alçaldılaraq cəhənnəmə girəcəklər.
Duxan/44:47 Onu yaxalayın və cəhənnəmin ortasına sürüyün.
Duxan/44:48 Sonra başına qaynar su əzabından tökün.
Duxan/44:49 "Dad görək; sən çox üstün və şərəfli idin!"
Rahmən/55:39 O gün nə insandan, nə də cindən günahı soruşulmaz.
Rahmən/55:41 Günahkarlar üzlərindən tanınar və zorla götürülərlər.
Rahmən/55:43 Bax bu, günahkarların yalanlayıb durduğu cəhənnəmdir.
Rahmən/55:44 Onunla qaynar su arasında dönüb dolanarlar.
Vaqiə/56:41 Sol tərəfdə olanlar, sol tərəfdə olacaqlar.
Vaqiə/56:42 İşləyən və qaynayan bir əzab içindədirlər.
Vaqiə/56:43 İsti kölgələr altındadırlar.
Vaqiə/56:44 Nə soyuqdur, nə də faydalı.
Vaqiə/56:45 Bundan öncə onlar komfort içində həddi aşmışdılar (qudurmuşdular).
Vaqiə/56:46 Böyük günahı işləməkdə israr edirdilər.
Vaqiə/56:47 Deyirdilər ki, "Biz öldükdən, toz və sümüyə çevrildikdən sonramı dirildiləcəyik?"
Vaqiə/56:48 "Öncəki atalarımız da eləmi?"
Vaqiə/56:49 De ki, "Öncəkilər də, sonrakılar da."
Vaqiə/56:50 "Bilinən günün görüşmə anı üçün toplanacaqlar."
Vaqiə/56:51 "Sonra da siz, ey yoldan çıxmışlar, ey yalanlayanlar,"
Vaqiə/56:52 "Zəqqum ağacından yeyəcəksiniz."
Vaqiə/56:53 "Onunla qarnınızı dolduracaqsınız."
Vaqiə/56:54 "Və üzərinə qaynar su içəcəksiniz."
Vaqiə/56:55 "Susamış dəvənin içməsi kimi içəcəksiniz."
Vaqiə/56:56 Haqq-hesab günündə bax belə qarşılanacaqlar.
Vaqiə/56:92 Amma o yalanlayan azğınlardandırsa-
Vaqiə/56:93 Qaynar sudan bir qarşılanma-
Vaqiə/56:94 Və cəhənnəmdə yanma...
Nəbə/78:21 Cəhənnəm isə gözləməkdədir:
Nəbə/78:22 Azğınlar üçün bir varış yeri olaraq...
Nəbə/78:23 Orada çağlar boyu (sonsuzadək) qalacaqlar.
Nəbə/78:24 Orada bir sərinlik və bir içki tapa bilməzlər;
Nəbə/78:25 Ancaq qaynar su və acı bir yeyəcəkdən başqa.
Nəbə/78:26 Etdiklərinə uyğun bir qarşılıq olaraq.
Hud/11:106 Bədbəxtlər atəşdədir. Onlar orada sızlayıb inləyərlər.
Hud/11:107 Göylər və yer durduğu müddətcə orada qalacaqlar; ancaq Rəbbin istəyərsə başqa. Rəbbin, İstədiyini Edəndir.
Məryəm/19:68 Rəbbinə and olsun, onları və şeytanları toplayacağıq. Sonra onları cəhənnəmin ətrafına gətirəcəyik. Diz çökmüş halda...
Məryəm/19:69 Sonra hər qrupdan, Rəhmana qarşı azğınlıqda irəli gedənləri seçib-ayıracağıq.
Məryəm/19:70 Orada yanmağa ən çox kimin layiq olduğunu əlbəttə Biz daha yaxşı bilirik.
Məryəm/19:71 İçinizdən oraya gəlməyəcək (olan) yoxdur; bu, Rəbbinin gerçəkləşdirəcəyi qəti bir qərardır.
Məryəm/19:72 Sonra, müttəqiləri qurtaracağıq. Zalımları isə orada diz üstə buraxacağıq.
Qaf/50:20 Boruya üfürülmüşdür. Bu, söz verilən gündür.
Qaf/50:21 Hər can yanında bir sürücü və bir şahid ilə gələr.
Qaf/50:22 Sən tamamilə bundan qafil (xəbərsiz) idin. İndi Biz pərdəni qaldırdıq; bu gün gözün polad kimi itidir.
Qaf/50:23 Yanındakı yoldaşı, "Bu yanımdakı hazırdır" deyər.
Qaf/50:24 Haydı ikiniz atın cəhənnəmə hər inadçı kafiri,
Qaf/50:25 Yaxşılığı əngəlləyən, azğın, şübhə edəni...
Tur/52:13 Cəhənnəm atəşinə itələndikləri gün:
Tur/52:14 Məhz, yalanladığınız Atəş budur.
Haqqə/69:25 Kitabı solundan verilənlərə gəlincə, onlar, "Kaş ki, kitabım mənə verilməsəydi," deyər,
Haqqə/69:26 "Hesabımın nə olduğunu öyrənməyəydim."
Haqqə/69:27 "Kaş ki, ölümüm sonsuz olsaydı."
Haqqə/69:28 "Param (pulum) mənə fayda vermədi."
Haqqə/69:29 "Bütün gücümü itirdim."
Haqqə/69:30 Tutun, bağlayın onu.
Haqqə/69:31 Və sonra cəhənnəmdə yandırın.
Haqqə/69:32 Sonra, onu yetmiş arşın (dirsək) uzunluğunda bir zəncirə vurun!
Ayənin Suallarına Keç